کراچی بھتہ خوری کے خلاف بڑی کارروائی کرتے ہوئے اسپیشل انویسٹیگیشن یونٹ (SIU) / سی آئی اے نے مطلوب ملزم رئیس لودھی کو گرفتار کر لیا۔ پولیس کے مطابق ملزم نیو کراچی میں دو مختلف تاجروں سے مجموعی طور پر 25 لاکھ روپے بھتہ طلب کرنے اور جان سے مارنے کی دھمکیاں دینے کے مقدمات میں مطلوب تھا۔
پولیس حکام نے بتایا کہ گرفتار ملزم کا ایک ساتھی محمد زاہد پہلے ہی قانون نافذ کرنے والے اداروں کی تحویل میں ہے۔ دونوں ملزمان کے خلاف بھتہ خوری اور دھمکیوں سے متعلق مقدمات درج ہیں۔
ایس آئی یو حکام کے مطابق ملزم سے مزید تفتیش جاری ہے اور اس دوران بھتہ خوری کے نیٹ ورک، سہولت کاروں اور دیگر ممکنہ ساتھیوں سے متعلق اہم انکشافات متوقع ہیں۔
پولیس نے کہا کہ کراچی میں تاجروں کو تحفظ فراہم کرنے کے لیے بھتہ خوری میں ملوث عناصر کے خلاف کارروائیاں جاری رہیں گی اور کسی بھی ملزم کو قانون سے بالاتر نہیں سمجھا جائے گا۔
