افغان شہری سے متعلق کراچی ایسٹ زون پولیس نے ستمبر 2025 سے یکم جولائی 2026 تک کی رپورٹ جاری کر دی ہے۔
رپورٹ کے مطابق اس عرصے میں مجموعی طور پر 16 ہزار 799 افغان شہری افغانستان واپس بھیجے گئے۔
رضاکارانہ واپسی کی تفصیلات
پولیس کے مطابق 13 ہزار 29 افغان شہری رضاکارانہ طور پر اپنے وطن واپس گئے۔
ان میں ایک ہزار 333 اے سی سی ہولڈرز بھی شامل تھے۔
رپورٹ کے مطابق 7 ہزار 56 پی او آر کارڈ ہولڈرز نے بھی رضاکارانہ واپسی اختیار کی۔
مزید 4 ہزار 640 غیر قانونی طور پر مقیم افغان شہری بھی اس پروگرام کا حصہ بنے۔
قانونی کارروائیاں
پولیس نے مختلف کارروائیوں کے دوران 3 ہزار 770 افراد کو حراست میں لیا۔
ان افراد کو جی سی ٹی کالج میں قائم کیمپ منتقل کیا گیا۔
رپورٹ کے مطابق 87 اے سی سی ہولڈرز بھی حراست میں لیے گئے۔
599 پی او آر کارڈ ہولڈرز کو بھی کیمپ منتقل کیا گیا۔
پولیس نے 3 ہزار 84 غیر قانونی طور پر مقیم افغان شہریوں کو بھی حراست میں لیا۔
ضلع وار اعداد و شمار
ضلع ایسٹ سے 11 ہزار 38 افراد رضاکارانہ طور پر واپس گئے۔
اسی ضلع سے 2 ہزار 523 افراد کو حراست میں لے کر کیمپ منتقل کیا گیا۔
رپورٹ کے مطابق ضلع ایسٹ سے مجموعی طور پر 13 ہزار 561 افغان شہری واپس بھیجے گئے۔
ضلع کورنگی سے ایک ہزار 40 افراد نے رضاکارانہ واپسی اختیار کی۔
615 افراد کو قانونی کارروائی کے بعد کیمپ منتقل کیا گیا۔
ضلع کورنگی سے مجموعی طور پر ایک ہزار 655 افغان شہری واپس بھیجے گئے۔
ضلع ملیر سے 951 افراد رضاکارانہ طور پر افغانستان روانہ ہوئے۔
632 افراد کو حراست میں لے کر کیمپ منتقل کیا گیا۔
رپورٹ کے مطابق ضلع ملیر سے مجموعی طور پر ایک ہزار 583 افغان شہری واپس بھیجے گئے۔
پولیس حکام کا کہنا ہے کہ افغان شہریوں کی وطن واپسی کا عمل بدستور جاری ہے۔
