شرف آباد: کراچی کے علاقے شرف آباد میں زینب آرکیڈ کے باہر دن دہاڑے مسلح افراد نے ایک تاجر سے 6 لاکھ روپے نقد، آئی فون 12 اور اہم دستاویزات لوٹ لیں۔ ملزمان واردات کے بعد فرار ہو گئے۔
متاثرہ تاجر علی روانی کے مطابق وہ بینک سے 6 لاکھ روپے نکلوا کر زینب آرکیڈ پہنچے تھے۔ اسی دوران دو موٹر سائیکلوں پر سوار تین مسلح افراد وہاں آ گئے۔
38 سیکنڈ میں واردات
واٹر کارپوریشن: نادہندگان کے خلاف کریک ڈاؤن، متعدد تجارتی و صنعتی اداروں کو نوٹس جاری
علی روانی نے بتایا کہ ملزمان نے اسلحے کے زور پر انہیں یرغمال بنایا۔ انہوں نے چند ہی لمحوں میں نقد رقم، موبائل فون اور اہم دستاویزات چھین لیں۔
واقعے کی سی سی ٹی وی فوٹیج بھی سامنے آ گئی ہے۔ فوٹیج میں ملزمان کو صرف 38 سیکنڈ میں واردات مکمل کرتے دیکھا جا سکتا ہے۔
پولیس کے مطابق ملزمان نے اپنی شناخت چھپانے کے لیے ہیلمٹ پہن رکھے تھے۔
پولیس نے قانونی کارروائی شروع کر دی
واردات کے بعد متاثرہ تاجر تھانہ نیو ٹاؤن پہنچ گئے۔ انہوں نے نامعلوم ملزمان کے خلاف مقدمہ درج کرانے کی درخواست دی۔
پولیس نے بتایا کہ ایف آئی آر کے اندراج کے لیے قانونی کارروائی شروع کر دی گئی ہے۔
