محکمہ موسمیات نے پیش گوئی کی ہے کہ آج شمال مشرقی پنجاب، بالائی خیبر پختونخوا اور کشمیر کے چند علاقوں میں بارش کا امکان ہے۔ ملک کے بیشتر حصوں میں موسم گرم اور مرطوب رہنے کی توقع ہے۔
کراچی میں صبح سویرے آسمان پر بادل چھائے رہے۔ تاہم شہر میں گرم اور مرطوب موسم برقرار رہنے کا امکان ظاہر کیا گیا ہے۔
درجہ حرارت کی صورتحال
محکمہ موسمیات کے مطابق جمعے کو نوکنڈی ملک کا گرم ترین شہر رہا، جہاں زیادہ سے زیادہ درجہ حرارت 45 ڈگری سینٹی گریڈ ریکارڈ کیا گیا۔
دالبندین، جیکب آباد اور دادو میں درجہ حرارت 44 ڈگری سینٹی گریڈ رہا۔ سکھر میں پارہ 43 ڈگری سینٹی گریڈ تک پہنچا۔
ملتان، ڈیرہ غازی خان، سرگودھا اور چلاس میں زیادہ سے زیادہ درجہ حرارت 41 ڈگری سینٹی گریڈ ریکارڈ کیا گیا۔
مظفرآباد میں درجہ حرارت 39 ڈگری سینٹی گریڈ رہا۔ لاہور، اسلام آباد، پشاور، کوئٹہ اور گلگت میں پارہ 38 ڈگری سینٹی گریڈ ریکارڈ کیا گیا۔
