اغوا کیس میں کراچی اور بھٹ شاہ پولیس نے مشترکہ کارروائی کرتے ہوئے اہم پیش رفت حاصل کی ہے۔ پولیس نے دو ہفتوں سے لاپتا کمسن رابعہ کو ہالا کے قریب ایک گاؤں سے بازیاب کر لیا۔
پولیس کے مطابق کارروائی ہالا کے نواحی گاؤں میوو میر جت میں کی گئی۔
چھاپے کے دوران اغوا میں مبینہ طور پر ملوث ملزم نعیم کو گرفتار کر لیا گیا۔
ایس ایچ او طفیل بھٹو کے مطابق بازیاب ہونے والی بچی کو اس کے والدین کے حوالے کر دیا گیا۔
انہوں نے بتایا کہ گرفتار ملزم اور بچی کو مزید قانونی کارروائی کے لیے کراچی پولیس کے ساتھ روانہ کر دیا گیا ہے۔
پولیس کے مطابق رابعہ گزشتہ دو ہفتوں سے لاپتا تھی۔
مشترکہ کارروائی کے بعد پولیس نے اسے بحفاظت بازیاب کر لیا۔
لیڈی انسپکٹر کے مطابق بازیاب بچی اور گرفتار ملزم کو آج کراچی کی متعلقہ عدالت میں پیش کیا جائے گا۔
پولیس کا کہنا ہے کہ مقدمے کی مزید تفتیش جاری ہے اور واقعے کے تمام پہلوؤں کا جائزہ لیا جا رہا ہے۔
