ٹرمپ بیان میں امریکی صدر ڈونلڈ ٹرمپ نے دعویٰ کیا ہے کہ امریکہ نے ایران میں میزائل اور ڈرون ذخیرہ کرنے والی تنصیبات اور ساحلی ریڈار سائٹس کو نشانہ بنایا ہے۔
انہوں نے اپنے سوشل میڈیا پلیٹ فارم ٹروتھ سوشل پر جاری بیان میں کہا کہ یہ کارروائی ایران کی جانب سے جنگ بندی معاہدے کی مبینہ خلاف ورزی کے جواب میں کی گئی۔
ڈونلڈ ٹرمپ کے مطابق امریکی فضائیہ نے ایران کے میزائل اور ڈرون ذخیرہ کرنے والے مقامات اور ساحلی ریڈار سائٹس پر حملے کیے ہیں۔ انہوں نے دعویٰ کیا کہ ایران نے ایک مرتبہ پھر جنگ بندی معاہدے کی خلاف ورزی کی ہے۔
امریکی صدر نے اپنے بیان میں مزید کہا کہ اگر صورتحال برقرار رہی تو امریکہ آئندہ مزید فوجی کارروائیاں بھی کر سکتا ہے۔ ان کے بقول، ایسا وقت آ سکتا ہے جب امریکہ مزید تحمل کا مظاہرہ نہ کرے اور وہ اقدامات کرے جن کی ابتدا پہلے ہی کی جا چکی ہے۔
انہوں نے اپنے بیان میں یہ بھی کہا کہ اگر ایسے اقدامات ناگزیر ہوئے تو ان کے بقول اسلامی جمہوریہ ایران کے لیے سنگین نتائج برآمد ہو سکتے ہیں۔
نوٹ: اس خبر میں شامل ایران پر حملوں، جنگ بندی کی مبینہ خلاف ورزی اور دیگر دعوے امریکی صدر ڈونلڈ ٹرمپ کے بیان پر مبنی ہیں۔ اس خبر میں ایران یا کسی آزاد ذریعے کا مؤقف شامل نہیں ہو سکا۔
