نشتر پارک میں اعلیٰ پولیس حکام اور مذہبی رہنماؤں کے درمیان محرم الحرام کے سیکیورٹی پلان اور جلوس روٹس پر تبادلہ خیال کیا گیا۔
کراچی میں محرم الحرام کے سیکیورٹی انتظامات کے سلسلے میں ایڈیشنل آئی جی کراچی آزاد خان نے نشتر پارک کا دورہ کیا۔
ان کے ہمراہ ڈی آئی جی ایسٹ بھی موجود تھے۔
دورے کے دوران انہوں نے شہنشاہ نقوی سے ملاقات کی۔
ملاقات میں محرم الحرام کے سیکیورٹی انتظامات پر تفصیلی گفتگو ہوئی۔
جلوسوں کے روٹس اور حفاظتی اقدامات پر بھی تبادلہ خیال کیا گیا۔
پولیس چیف نے سیکیورٹی پلان کا جائزہ لیا۔
انہوں نے متعلقہ افسران کو فول پروف سیکیورٹی یقینی بنانے کی ہدایت دی۔
انہوں نے کہا کہ محرم کے دوران کسی بھی ناخوشگوار واقعے سے بچاؤ اولین ترجیح ہے۔
انہوں نے یہ بھی ہدایت دی کہ شر پسند عناصر پر کڑی نظر رکھی جائے۔
