آسٹریلیا کے شہر سڈنی کے بونڈی بیچ پر پیش آنے والے دہشت گردی کے واقعے میں 43 سالہ مسلمان شہری احمد ال احمد نے اپنی جان پر کھیل کر حملہ آور کو قابو پایا اور متعدد افراد کی جانیں بچائیں۔
کراچی کرائم رپورٹر ایسوسی ایشن (KCRA) کے سالانہ انتخابات مکمل، سمیر قریشی صدر منتخب
آسٹریلوی میڈیا کے مطابق، واقعے میں دو افراد نے ساحل پر شہریوں پر فائرنگ کی، جس کے نتیجے میں 12 افراد ہلاک اور تقریباً 30 زخمی ہوئے۔ احمد ال احمد، جو سڈنی میں ایک دکان پر پھل فروخت کرتے ہیں اور دو بچوں کے والد ہیں، نے بہادری کا مظاہرہ کرتے ہوئے حملہ آور کا اسلحہ چھین کر لوگوں کی جانیں محفوظ بنائیں۔
اس دوران احمد پر بھی دو گولیاں لگی ہیں، لیکن اسپتال ذرائع کے مطابق ان کی حالت خطرے سے باہر ہے۔
سوشل میڈیا پر اس واقعے کی ویڈیوز وائرل ہو رہی ہیں اور احمد ال احمد کی بہادری کو عالمی سطح پر سراہا جا رہا ہے۔
