ایف آئی اے کمپوزٹ سرکل گوادر نے غیر قانونی طور پر سمندر کے راستے ایران جانے میں ملوث 14 ملزمان کو گرفتار کر لیا۔
دبئی ایئر شو حادثے کے بعد آرمینیا نے بھارتی جنگی طیارے کی خریداری معطل کر دی
گرفتار ملزمان کا تعلق پنجاب اور خیبر پختونخواہ کے مختلف اضلاع سے ہے، جن میں سے 4 گوجرانوالہ، 2 فیصل آباد، 2 حافظ آباد، 5 لوئر دیر اور باقی صوابی، مردان اور مالاکنڈ کے رہائشی ہیں۔ ملزمان کو جیوانی سے گرفتار کیا گیا۔
ابتدائی تفتیش کے مطابق ملزمان ایران سے غیر قانونی طور پر دیگر ممالک جانے کی کوشش کر رہے تھے۔ ایف آئی اے نے ملزمان کے خلاف مقدمہ درج کر کے تفتیش کا آغاز کر دیا ہے۔
ایف آئی اے کا کہنا ہے کہ انسانی سمگلنگ اور غیر قانونی سرحد پار کرنے میں ملوث ملزمان کے خلاف کریک ڈاؤن جاری ہے اور گرفتاریوں کے لیے تمام تر وسائل استعمال کیے جا رہے ہیں۔
