جامعہ کراچی میں 36 انچ قطر کی پانی کی لائن کے جوائنٹ کی مرمت ہنگامی بنیادوں پر کی جارہی ہے۔ واٹر کارپوریشن کے چیف انجینئر ڈبلیو ٹی ایم کے مطابق، مرمتی کام تیزی سے جاری ہے اور اسے آج شام 6
بجے تک مکمل کرلیا جائے گا۔ اس دوران واٹر کارپوریشن کا عملہ مکمل طور پر سائٹ پر موجود ہے تاکہ کام بروقت اور مؤثر طریقے سے پایۂ تکمیل تک پہنچایا جاسکے۔ سید محمد اعجاز نے بتایا کہ عوام کو پانی کی فراہمی میں کسی بڑی رکاوٹ سے بچانے کے لیے فوری اقدامات کیے گئے ہیں۔
