کراچی: ایس ایس پی ملیر، لیفٹیننٹ کمانڈر (ر) کاشف آفتاب عباسی نے انسداد پولیو مہم کے دوسرے روز مختلف یونین کونسلز اور اسپتالوں کا دورہ کیا۔ انہوں نے پولیو ٹیموں کے ساتھ تعینات پولیس اہلکاروں سے ملاقات کر کے سیکیورٹی انتظامات کا جائزہ لیا اور ضروری ہدایات جاری کیں۔ فیلڈ میں موجود افسران اور لیڈیز پولیس کو ٹیموں کے ساتھ ہم آہنگی سے فرائض انجام دینے پر زور دیا گیا۔
ایس ایس پی ساؤتھ مہظور علی کا پولیو کیمپوں کا دورہ، بچوں کو خود قطرے پلا کر قومی مہم میں عملی شرکت
ایس ایس پی ملیر نے مہم میں شریک بچوں کے والدین سے بھی ملاقات کر کے پولیو کے قطرے پلوانے کی اہمیت پر روشنی ڈالی۔ اس کے بعد انہوں نے انسداد پولیو ٹیموں سے بات چیت میں سیکیورٹی کے انتظامات کے بارے میں دریافت کیا، جس پر ٹیم ممبران نے پولیس کے تعاون اور حفاظتی اقدامات پر اطمینان کا اظہار کیا۔ ایس ایس پی ملیر نے یقین دلایا کہ مہم کے دوران ہر ممکن تحفظ فراہم کیا جائے گا۔
ان کا کہنا تھا کہ پولیو کے خلاف جنگ ہم سب کی مشترکہ ذمہداری ہے اور پولیس ہر سطح پر اپنا کردار جاری رکھے گی۔
