سڈنی ٹیسٹ کیلئے پاکستان نے 11 رکنی ٹیم کا اعلان کردیا
اوپنرامام الحق کی جگہ نوجوان صائم ایوب ڈیبیو کریں گے
سڈنی ٹیسٹ کیلئے پاکستان نے 11 رکنی ٹیم کا اعلان کردیا۔
آسڑیلیا اور پاکستان کے درمیان آخری ٹیسٹ میچ کیلئے قومی ٹیم میں بڑی تبدیلیاں کر دی گئیں ہیں،قومی ٹیم کے اوپنرامام الحق کی جگہ نوجوان صائم ایوب ڈیبیو کریں گے جبکہ فاسٹ باولر شاہین آفریدی کی جگہ ساجد خان کو موقع دیا گیا۔
دوسری جانب آسٹریلیا کےخلاف سڈنی ٹیسٹ کے لیےقومی شاہینوں کی تیاریاں مکمل کرلی گئیں ہیں،پاکستان اورآسٹریلیا کے درمیان تین ٹیسٹ میچز کی سیریز کا تیسرا اور آخری ٹیسٹ میچ کل سے سڈنی میں کھیلا جائے گا۔آسٹریلیا کو سیریز میں دو صفر کی برتری حاصل ہے۔
