پاک فوج کی جانب سے آزاد کشمیر کے ضلع کوٹلی میں میڈیکل اینڈ ڈینٹل کیمپ کا انعقاد کیا گیا، جہاں عوام کی کثیر تعداد نے شرکت کی۔ کیمپ میں میڈیکل اسپیشلسٹ، ڈینٹل سرجن اور دیگر ماہرین صحت نے مریضوں کا طبی معائنہ کیا اور مفت ادویات فراہم کیں۔
امریکی وزیر خارجہ مارکو روبیو کی طالبان قیادت کو مطلوب قرار دینے کی دھمکی
فری میڈیکل کیمپ میں 800 سے زائد افراد کا معائنہ کیا گیا، جنہیں مختلف امراض کی تشخیص اور علاج معالجے کی سہولت دی گئی۔
علاقہ مکینوں نے اس میڈیکل کیمپ کو پاک فوج کی عوام دوست کاوش قرار دیا اور اس اقدام کو سراہتے ہوئے مستقبل میں بھی ایسے اقدامات جاری رکھنے کی خواہش کا اظہار کیا۔
یہ کیمپ صحت کے مسائل سے دوچار علاقوں میں پاک فوج کی جانب سے عوامی خدمت کی روشن مثال ہے، جو علاقائی عوام کے دل جیتنے کا باعث بن رہا ہے۔
