شریف آباد پولیس اسٹیشن کی حدود میں اے سی ایل سی کے قریب موٹر سائیکل چوری کرنے والے دو چور شاہین فورس کے اہلکاروں نے گرفتار کر کے ہیڈ محرر شریف آباد کے حوالے کر دیا۔ گرفتار چوروں کو موٹر سائیکلوں کے تالے محض پانچ سیکنڈ میں تار کی مدد سے کھولنے میں مہارت حاصل تھی۔
تاہم حیران کن طور پر دونوں چور شریف آباد پولیس اسٹیشن کے لاک اپ کا تالا کھول کر فرار ہو گئے۔ پولیس نے اس واقعے کو تھانے میں ہی دبا دیا، جس پر سوالات اٹھنے لگے ہیں کہ آیا پولیس اسٹیشن کی سیکیورٹی اتنی ناقص ہے کہ دو موٹر سائیکل چوروں کو لاک اپ میں بند نہیں کر سکی یا پھر چوروں کو مبینہ طور پر فرار کروایا گیا۔
