شاہ لطیف پولیس نے چھالیہ اور گٹکے ماوا کی اسمگلنگ کے الزام میں مطلوب ملزم حیدر خان کو گرفتار کیا۔ یہ کارروائی خفیہ اطلاعات کی بنیاد پر کی گئی، جس کے دوران ملزم کے قبضے سے 350 کلو سے زائد چھالیہ، 16 پیکٹ انڈین سفینہ، اور 5 کلو گٹکا ماوا برآمد ہوا۔ ملزم کی گاڑی، ایک وائٹ کرولا، بھی ضبط کر لی گئی۔
دورہ آسٹریلیا کے لیے قومی ٹیم کا اعلان آج متوقع، رضوان قیادت کے مضبوط ترین امیدوار
ایس ایس پی ملیر کاشف آفتاب کے مطابق، ملزم نے اعتراف کیا کہ وہ شہر کے مختلف علاقوں میں خفیہ مقامات پر ان اشیاء کی سپلائی کر رہا تھا۔ پولیس نے ملزم کے کرمنل ریکارڈ کا مزید جائزہ لینے کا آغاز کر دیا ہے، اور اس کے خلاف قانونی کارروائی جاری ہے۔
