بابر اعظم ٹی ٹوئنٹی انٹرنیشنلز میں سب سے زیادہ رنز بنانے والے بیٹر بن گئے

پاکستان کرکٹ ٹیم کے کپتان بابر اعظم ٹی ٹوئنٹی انٹرنیشنلز میں سب سے زیادہ رنز بنانے والے بیٹر بن گئے۔

جمعرات کو ڈیلاس میں امریکا کے خلاف ٹی 20 ورلڈ کپ کے میچ میں پاکستانی کپتان بابر اعظم ٹی ٹوئنٹی انٹرنیشنل میں سب سے زیادہ رنز بنانے والے بیٹر بن گئے۔

بابر اعظم ٹی ٹوئنٹی انٹرنیشنلز میں سب سے زیادہ رنز بنانے والے بیٹر بن گئے

 

بابر اعظم نے امریکا کے خلاف میچ میں اپنی اننگز کا 16واں رن لے کر بھارت کے ویرات کوہلی کو پیچھے چھوڑا۔

ٹی 20 ورلڈ کپ میں پاکستان کا مایوس کن آغاز، نوآموز امریکا نے سپر اوور میں شکست دے دی

 

اس میچ میں انہوں نے 43 گیندوں پر 44 رنز کی اننگز کھیلی جس میں تین چوکے اور دو چھکے بھی شامل تھے۔

اس کے ساتھ ہی بابر اعظم ٹی ٹوئنٹی انٹرنیشنل میں سب سے زیادہ 4 ہزار 66 رنز بنانے والے بلے باز بن گئے ہیں۔ انہوں نے یہ کارنامہ اپنے 120ویں ٹی 20 انٹرنیشنل میچ میں انجام دیا۔

ویرات کوہلی 118 میچز میں 4 ہزار 38 رنز کے ساتھ دوسرے جبکہ بھارت کے ہی روہت شرما 152 میچز میں 4 ہزار 26 رنز بنا کر تیسرے نمبر پر ہیں۔