Tashakur News

ناظم آباد بلاک تھری کی واٹر سپلائی لائن کی مرمت مکمل، پانی بحال

کراچی: ناظم آباد بلاک تھری میں واٹر سپلائی لائن کی مرمت مکمل کرلی گئی ہے۔ اس کے بعد علاقے میں پانی کی فراہمی بحال کردی گئی۔

تفصیلات کے مطابق گزشتہ واٹر سپلائی کے دوران مجسٹک کے قریب پانی کی لائن زیادہ پریشر کے باعث پھٹ گئی تھی۔ اس سے علاقے میں پانی کی فراہمی متاثر ہونے کا خدشہ پیدا ہوگیا تھا۔

مقررہ وقت سے پہلے مرمت مکمل

ناظم آباد واٹر ڈسٹریبیوشن کے عملے نے فوری طور پر مرمتی کام شروع کردیا۔

عملے نے اتوار کو مقررہ واٹر سپلائی شروع ہونے سے پہلے ہی متاثرہ لائن کی مرمت مکمل کرلی۔

بروقت مرمت کے باعث علاقے میں پانی کی فراہمی یقینی بنائی گئی۔ متعلقہ حکام کے مطابق اب مکینوں کو بہتر پریشر کے ساتھ پانی فراہم کیا جاسکے گا۔

ناظم آباد واٹر ڈسٹریبیوشن کے عملے کا کہنا ہے کہ شہریوں کو بہتر آبی سہولیات فراہم کرنے کے لیے اقدامات جاری ہیں۔

عملے کے مطابق پانی کی بلا تعطل فراہمی یقینی بنانے کے لیے بھی مسلسل کام کیا جارہا ہے۔

Exit mobile version