Site icon Tashakur News

مکران کوسٹل ہائی وے پر بس اور ایل پی جی باوزر میں تصادم، 10 افراد جاں بحق، 27 زخمی

Passenger bus and LPG gas bowser catch fire after a collision on Makran Coastal Highway, leaving 10 people dead and 27 injured

Rescue teams respond after a passenger bus and LPG bowser catch fire following a collision on Makran Coastal Highway

مکران کوسٹل ہائی وے پر مسافر بس اور ایل پی جی گیس باوزر میں تصادم کے بعد آگ بھڑک اٹھی۔ حادثے میں خاتون اور بچوں سمیت 10 افراد جاں بحق جبکہ 27 زخمی ہوگئے۔

تفصیلات کے مطابق مسافر بس تربت سے کراچی جارہی تھی۔ راستے میں بس اور گیس باوزر کے درمیان تصادم ہوا، جس کے نتیجے میں دونوں گاڑیوں میں آگ لگ گئی۔

جاں بحق افراد میں بچے اور باوزر کا عملہ شامل

ریسکیو ذرائع کے مطابق حادثے میں 10 افراد جاں بحق ہوئے۔ جاں بحق ہونے والوں میں تین بچے، باوزر کا ڈرائیور اور کلینر بھی شامل ہیں۔

حادثے میں 27 افراد زخمی ہوئے۔ ریسکیو ٹیموں نے زخمیوں کو اسپتال منتقل کردیا۔

ریسکیو ذرائع کے مطابق بس میں خواتین اور بچوں سمیت متعدد مسافر سوار تھے۔ بس میں آگ لگنے کے باعث مزید ہلاکتوں کا خدشہ ظاہر کیا گیا ہے۔

شاہراہ پر ٹریفک معطل

ایس پی اسلم بنگلزئی کے مطابق ریسکیو ٹیمیں جائے وقوعہ پر موجود ہیں۔ حادثے کے باعث شاہراہ پر ٹریفک معطل ہوگئی۔

وزیراعلیٰ بلوچستان کا اظہارِ افسوس

وزیراعلیٰ بلوچستان نے مسافر کوچ اور ایل پی جی باوزر کے درمیان حادثے پر افسوس کا اظہار کیا۔

انہوں نے کہا کہ انسانی جانوں کا تحفظ اور حادثے کے متاثرین کو بروقت طبی امداد فراہم کرنا انتہائی اہم ہے۔

Exit mobile version