کراچی میں درخشاں پولیس نے منشیات فروشوں کے خلاف کارروائی کرتے ہوئے دو ملزمان کو گرفتار کرلیا۔
ترجمان ڈسٹرکٹ ساؤتھ پولیس کے مطابق ملزمان کے قبضے سے مجموعی طور پر 47 گرام آئس برآمد ہوئی۔
گرفتار ملزمان کی شناخت قیصر ولد ایوب اور جہانگیر عرف انگوری ولد مسلم کے نام سے ہوئی ہے۔ پولیس کے مطابق جہانگیر عرف انگوری خواجہ سرا ہے۔
ملزمان سے آئس اور موٹر سائیکل برآمد
پولیس کے مطابق قیصر کے قبضے سے 24 گرام آئس برآمد ہوئی۔ جہانگیر عرف انگوری سے 23 گرام آئس ملی۔
کارروائی کے دوران ملزمان کے زیرِ استعمال موٹر سائیکل بھی تحویل میں لے لی گئی۔ موٹر سائیکل کا نمبر KBD-3953 اور میکر یونیک 70 ہے۔
ڈیفنس اور کلفٹن میں منشیات سپلائی کرنے کا انکشاف
ابتدائی تفتیش کے دوران گرفتار ملزمان نے بتایا کہ برآمد شدہ آئس ذیشان عرف شانی ولد محمد صدیق کی ملکیت ہے۔
پولیس کے مطابق ملزمان ڈیفنس اور کلفٹن کے علاقوں میں صارفین کو آئس فروخت اور سپلائی کرتے تھے۔
مقدمہ درج، مزید تفتیش جاری
درخشاں پولیس نے ملزمان کے خلاف مقدمہ نمبر 795/2026 درج کرلیا ہے۔ مقدمہ نارکوٹکس ترمیمی ایکٹ 2024 کی دفعہ 9(2)2 کے تحت قائم کیا گیا ہے۔
پولیس کے مطابق گرفتار ملزمان سے مزید تفتیش جاری ہے۔
