اسلام آباد میں ایڈووکیٹ جنرل نوید حیات ملک نے بانی پی ٹی آئی عمران خان اور ان کی اہلیہ بشریٰ بی بی سے وکلا کی ملاقات کے معاملے پر وضاحت کردی۔
انہوں نے بتایا کہ لطیف کھوسہ کو کہا ہے کہ ملاقات کے لیے ایک دن پہلے آگاہ کردیں۔ سلمان صفدر اور لطیف کھوسہ جس دن ملاقات کی درخواست کریں گے، انتظامات کردیے جائیں گے۔
عدالتی حکم کے تحت ایک گھنٹے کی ملاقات ہوگی
نوید حیات ملک کے مطابق عدالتی حکم پر وکلا کی ایک گھنٹے کی ملاقات کرائی جائے گی۔
انہوں نے کہا کہ اگر لطیف کھوسہ اور سلمان صفدر کل ملاقات کرنا چاہتے ہیں تو ملاقات کا انتظام بھی کل ہی کردیا جائے گا۔
ایڈووکیٹ جنرل اسلام آباد نے مزید کہا کہ ملاقات کے بعد وکلا کو آئندہ سماعت پر اپیلوں کے حوالے سے دلائل دینا یقینی بنانا ہوگا۔
