کراچی: ایڈیشنل آئی جی کراچی آزاد خان کے احکامات پر شہر بھر میں جرائم پیشہ عناصر کے خلاف پولیس کارروائیاں جاری ہیں۔ گزشتہ ہفتے پولیس نے مختلف علاقوں میں 43 مقابلے کیے، جن میں 6 ڈاکو ہلاک اور 51 زخمی ہوگئے۔
کراچی پولیس کے مطابق زخمی ڈاکوؤں سمیت مجموعی طور پر 65 ملزمان کو گرفتار کیا گیا۔ ایسٹ، ویسٹ اور ساؤتھ زونز میں مختلف کارروائیوں کے دوران 889 سے زائد ملزمان بھی گرفتار ہوئے۔
60 غیر قانونی ہتھیار اور موٹر سائیکلیں برآمد
پولیس کے مطابق مقابلوں اور دیگر کارروائیوں کے دوران گرفتار ملزمان سے 60 مختلف اقسام کے غیر قانونی ہتھیار اور 27 موٹر سائیکلیں برآمد ہوئیں۔
ترجمان کے مطابق ملزمان سے شہریوں کو لوٹنے اور دیگر جرائم میں استعمال ہونے والے 132 سے زائد غیر قانونی ہتھیار بمعہ ایمونیشن بھی برآمد کیے گئے۔
منشیات فروشوں کے خلاف کارروائیاں
کراچی پولیس نے منشیات فروشوں کے خلاف مختلف علاقوں میں کارروائیاں کیں۔ ان کارروائیوں کے دوران درج ذیل منشیات برآمد کی گئیں:
13 کلو 810 گرام چرس
6 کلو 316 گرام آئس اور کرسٹل
چھینی اور چوری شدہ گاڑیاں بھی برآمد
پولیس نے شہر کے مختلف علاقوں میں کارروائیوں کے دوران چھینی اور چوری شدہ 39 موٹر سائیکلیں برآمد کیں۔ اس کے علاوہ 3 گاڑیاں بھی تحویل میں لی گئیں۔
کراچی پولیس نے کہا ہے کہ ایڈیشنل آئی جی آزاد خان کے احکامات پر جرائم کے خاتمے، امن و امان کی بحالی اور شہریوں کے جان و مال کے تحفظ کے لیے کارروائیاں جاری رہیں گی۔
