ڈی جی آئی ایس پی آر نے لاہور کی 3 جامعات کا دورہ کیا اور طلبہ و اساتذہ کے ساتھ خصوصی نشستوں میں شرکت کی۔
ترجمان پاک فوج نے یونیورسٹی آف لاہور، یونیورسٹی آف سینٹرل پنجاب اور کنگ ایڈورڈ میڈیکل یونیورسٹی میں طلبہ اور فیکلٹی ممبران سے ملاقاتیں کیں۔
طلبہ کے سوالات کے جوابات دیے
نشستوں کے دوران طلبہ اور اساتذہ نے ڈی جی آئی ایس پی آر کے ساتھ کھل کر اپنے خیالات کا اظہار کیا۔ انہوں نے مختلف امور پر سوالات بھی کیے۔
ترجمان پاک فوج نے شرکا کے سوالات کے مدلل اور جامع جوابات دیے۔
اس موقع پر قومی اور بین الاقوامی معاملات پر تفصیلی گفتگو ہوئی۔ افغانستان سمیت خطے کی جیو پولیٹیکل صورتِ حال اور امن کے قیام میں پاک فوج کے کردار پر بھی تبادلہ خیال کیا گیا۔
طلبہ کا براہِ راست مکالمے کے اقدام کو سراہنا
طلبہ نے ڈی جی آئی ایس پی آر کے جامعات کے دوروں اور براہِ راست مکالمے کے اقدام کو سراہا۔ انہوں نے مستقبل میں بھی ایسے سیشنز منعقد کرنے کی ضرورت پر زور دیا۔
اس موقع پر طلبہ نے معرکہ حق میں افواج پاکستان کی فتح کو خراجِ تحسین پیش کیا۔ انہوں نے پاک فوج کے شہداء کو خراجِ عقیدت بھی پیش کیا اور ان کے درجات کی بلندی کے لیے دعا کی۔
