اسپیشل سیکیورٹی یونٹ (ایس ایس یو) نے اکتوبر 2026 کے لیے ”ایمپلائی آف دی منتھ“ کا اعلان کردیا ہے۔ منتخب اہلکاروں کو غیر معمولی کارکردگی اور خدمات میں اعلیٰ معیار کا مظاہرہ کرنے پر اعزاز سے نوازا گیا۔
ایس ایس یو کے مطابق سیکیورٹی ڈویژن کے تحت خدمات انجام دینے والے پولیس اہلکاروں کی کارکردگی جانچنے کے لیے منصفانہ طریقہ کار مرتب کیا گیا ہے۔
اہلکاروں کے انتخاب کا معیار
ایس ایس یو کے مطابق اہلکاروں کی حاضری، ڈیوٹی کے اوقات اور وقت کی پابندی کو کارکردگی جانچنے کے لیے اہمیت دی جاتی ہے۔
اس کے علاوہ ٹرن آؤٹ، ٹیم ورک، مجموعی رویے، اخلاقی کردار، دیانت داری اور نظم و ضبط کو بھی انتخاب کا حصہ بنایا جاتا ہے۔
مختلف یونٹس کے اہلکار منتخب
ایس ایس یو، سیکیورٹی ون، سیکیورٹی ٹو، کورٹ پولیس، مددگار 15 اور فارنرز سیکیورٹی سیل سے اہلکاروں کو ”ایمپلائی آف دی منتھ“ منتخب کیا گیا۔
کمانڈنٹ ایس ایس یو عامر خان نیازی نے منتخب اہلکاروں کی پیشہ ورانہ صلاحیتوں اور سیکیورٹی ڈویژن کی مجموعی کارکردگی میں ان کے مثبت کردار کو سراہا۔
انہوں نے کہا کہ مسلسل عمدہ کارکردگی دکھانے والے اہلکاروں کی حوصلہ افزائی اور خدمات کا اعتراف ضروری ہے۔
عامر خان نیازی کے مطابق ”ایمپلائی آف دی منتھ“ پروگرام کا مقصد سیکیورٹی ڈویژن کے تمام یونٹس میں بہتر کارکردگی اور حوصلہ افزائی کی فضا کو فروغ دینا ہے۔
تقریب کے دوران منتخب اہلکاروں میں تعریفی اسناد بھی تقسیم کی گئیں۔
