ویسٹ انڈیز نے پہلے ٹیسٹ میں بنگلادیش کو 8 وکٹوں سے شکست دے دی۔ اس کامیابی کے ساتھ مہمان ٹیم نے دو میچوں کی سیریز میں 0-1 کی برتری حاصل کرلی۔
میرپور، ڈھاکا میں کھیلے گئے میچ میں بنگلادیش نے ویسٹ انڈیز کو 170 رنز کا ہدف دیا۔ مہمان ٹیم نے یہ ہدف صرف دو وکٹوں کے نقصان پر حاصل کرلیا۔
بارش، خراب روشنی اور آسمانی بجلی کے باعث کھیل کئی مرتبہ روکنا پڑا۔ تاہم برینڈن کنگ نے شاندار بیٹنگ کرتے ہوئے ٹیم کو فتح دلائی۔ انہوں نے 81 رنز کی ناقابل شکست اننگز کھیلی۔
کنگ اور جان کیمبل نے پہلی وکٹ کے لیے 112 رنز کی شراکت قائم کی۔ کیمبل 49 رنز بناکر آؤٹ ہوئے۔ کیون ہوج نے ناٹ آؤٹ 31 رنز اسکور کیے۔
اس سے قبل بنگلادیش نے اپنی دوسری اننگز 79 رنز پر 6 وکٹوں کے نقصان سے دوبارہ شروع کی۔ نعیم حسن نے مزاحمت کرتے ہوئے 50 رنز بنائے۔
روسٹن چیز کی 100 ٹیسٹ وکٹیں مکمل
ویسٹ انڈیز کے کپتان روسٹن چیز نے 36 رنز دے کر پانچ وکٹیں حاصل کیں۔ اس کارکردگی کے ساتھ انہوں نے ٹیسٹ کرکٹ میں اپنی 100 وکٹیں بھی مکمل کرلیں۔
جومیل واریکن نے چار بنگلادیشی کھلاڑیوں کو آؤٹ کیا۔ انہوں نے میچ میں مجموعی طور پر 9 وکٹیں حاصل کیں۔ اس کارکردگی پر انہیں میچ کا بہترین کھلاڑی قرار دیا گیا۔
