فالج کی علامات کو بروقت پہچاننا اور فوری علاج حاصل کرنا زندگی بچانے اور مستقل معذوری سے بچنے کے لیے انتہائی اہم ہے۔ جسم کے ایک طرف اچانک کمزوری، بولنے میں دشواری یا توازن بگڑنا فالج کی ممکنہ علامات ہیں۔
نیشنل انسٹی ٹیوٹ آف کارڈیو ویسکولر ڈیزیزز (این آئی سی وی ڈی) کراچی کے مطابق، ادارے میں فالج کے مریضوں کے لیے ٹی پی اے انجیکشن اور جدید اسٹروک انٹروینشن کی سہولیات دستیاب ہیں۔
بروقت علاج دماغ کو پہنچنے والے نقصان کو کم کرنے اور صحت یابی کے امکانات بہتر بنانے میں مدد دے سکتا ہے۔
این آئی سی وی ڈی نے عوام پر زور دیا ہے کہ فالج کی علامات ظاہر ہونے کی صورت میں فوری طور پر کراچی میں ادارے کی ایمرجنسی پہنچیں۔ فالج کے علاج میں ہر منٹ قیمتی ہوتا ہے۔
