احمد سلطان کیانی نے 19ویں چیف آف دی نیول اسٹاف امیچورز گالف کپ 2026 کا ٹائٹل اپنے نام کرلیا۔ چار روزہ ٹورنامنٹ 22 سے 25 اکتوبر تک اسلام آباد کے مارگلہ گرینز گالف کلب میں منعقد ہوا۔
پاکستان نیوی کے شعبۂ تعلقات عامہ کے مطابق مختلف کیٹیگریز میں بھی کھلاڑیوں نے ٹائٹل جیتے۔ احمد ظفر حیات نے سینئرز، امی چِن نے لیڈیز ورلڈ امیچور گالف رینکنگ (WAGR)، دعا فریدراؤ نے لیڈیز اور مصطفیٰ زبیر نے جونیئرز کیٹیگری میں کامیابی حاصل کی۔
چیف آف دی نیول اسٹاف ایڈمرل نوید اشرف تقریب کے مہمان خصوصی تھے۔ انہوں نے کامیاب کھلاڑیوں میں انعامات تقسیم کیے اور ان کی کارکردگی پر مبارکباد دی۔
نیول چیف نے کھلاڑیوں کے کھیل کے جذبے اور اسپورٹس مین شپ کو سراہا۔ انہوں نے ایونٹ کے انعقاد میں تعاون کرنے والے اسپانسرز، میڈیا اور مارگلہ گرینز گالف کلب کی انتظامیہ کا بھی شکریہ ادا کیا۔
ٹورنامنٹ میں امیچور سینئرز، خواتین اور جونیئرز سمیت مختلف کیٹیگریز کے مقابلے ہوئے۔ اس ایونٹ کا آغاز 2007 میں ہوا تھا۔ پاک بحریہ کے مطابق یہ ٹورنامنٹ ملک میں گالف اور کھیلوں کی ثقافت کو فروغ دینے کے عزم کا حصہ ہے۔
تقریب میں مسلح افواج کے افسران، اسپانسرز، گالفرز، میڈیا نمائندوں اور دیگر معززین نے شرکت کی۔
